ББ-ға жүгінген кезде:                                                                                             

1) нысан бойынша өтініш;
2) ата-анасының жеке басын куәландыратын құжат (тұлғаны сәйкестендіру үшін талап етіледі);          
3) бала 2007 жылғы 13 тамызға дейін туған жағдайда баланың туу туралы куәлігінің көшірмесі;                                             
4) некеге тұру немесе бұзу туралы куәліктің көшірмесі;

5) өтініш берушінің (отбасының) жергілікті атқарушы органдар ұсынатын мемлекеттік атаулы әлеуметтік көмекті тұтынушылар қатарына жататынын растайтын анықтама; 6) барлық алған табысы туралы құжаттар;

7) отбасында тәрбиеленетін жетім балаларға немесе ата-анасының қамқорлығынсыз қалған балаларға қамқоршылық (қорғаншылық) бекіту туралы уәкілетті органның шешімі;

8) отбасының материалдық-тұрмыстық ахуалын зерделеу негізінде жалпы білім беретін мектептерде білім алушылар мен тәрбиеленушілердің жекелеген санаттарына тегін және жеңілдікпен тамақтандыруды ұсыну туралы білім беру ұйымдарының алқалық орган шешімінің көшірмесі.                                                 

Веб-порталға жүгінген кезде:                                                   

1) көрсетілетін қызмет алушының ЭЦҚ куәландырылған электрондық құжат нысаны бойынша сұрау;

2) туу туралы куәліктің электронды көшірмесі;

3) 2008 жылға дейін не Қазақстан Республикасынан тыс жерде некеге тұрған немесе бұзған жағдайда некеге тұру немесе бұзу туралы куәлігінің электрондық көшірмесі;                                          
4) жалпы білім беретін мектептерде білім алушылар мен тәрбиеленушілердің жекелеген санаттарына тегін және жеңілдікпен тамақтандыруды ұсыну туралы білім беру ұйымдарының алқалық орган шешімінің электронды көшірмесі; 5) алған табыстары туралы құжаттың электронды көшірмесі.